OMBUDSMAN FILES GRAFT CASES VS. VILLARS OVER PRIMEWATER
MANILA — Nag-file ang Office of the Ombudsman og criminal ug administrative complaints batok sa mga miyembro sa Villar family ug uban pang officials tungod sa mga alegasyon nga may kalabotan sa poor water service sa PrimeWater.
Apil sa gi-named sa complaints sila Senators Mark Villar ug Camille Villar, former Senator Manny Villar, former Senator Cynthia Villar, ug Paolo Villar, ingon man ang ubang PrimeWater officials ug local water district officials. (NewsInfo)
75 WATER DISTRICTS NAKIG-JOINT VENTURE
Sumala sa Ombudsman, gikan 2015 hangtod 2022, adunay 75 local water districts nga nakasulod og joint venture agreements uban sa PrimeWater Infrastructure Corporation.
Gikan niini, 19 ka water districts ang mipagawas og notices of pre-termination tungod sa giingong kapakyasan sa PrimeWater nga makahatag og uninterrupted water supply ug proper water quality. (Philstar Life)
₱65.6 MILLION NGA UNPAID OBLIGATIONS
Gipunting usab sa Ombudsman ang findings sa Commission on Audit (COA) bahin sa wala mabayri nga paggamit sa materials ug supplies sa pipila ka local water districts.
Sa tulo ka areas nga gihisgutan, ang total unpaid obligation sa PrimeWater miabot sa ₱65.65 million. (Philstar Life)
Matud sa Ombudsman, nakit-an niini nga ang pipila sa joint venture agreements “grossly disadvantageous” sa local water districts.
GRAFT COMPLAINTS FILED
Tungod niini, nag-file ang Ombudsman og duha ka counts of graft complaints ubos sa Anti-Graft and Corrupt Practices Act o Republic Act No. 3019.
Apan importante nga klarohon: complaints pa lamang kini ug dili pa final finding of guilt. Ang kaso moagi pa sa proseso sa preliminary investigation ug ang mga respondents adunay katungod sa pagdepensa sa ilang kaugalingon. (GMA Network)
Gipahayag usab sa Ombudsman nga naa pay ubang water districts nga gisusi, ug posible pang adunay mosunod nga mga kaso.
ANG PANGUTANA: KINSAY DAPAT MANUBAG?
Ang imbestigasyon nagtan-aw sa mga joint venture agreements, serbisyo sa tubig ug mga obligasyon nga wala kuno natuman.
Samtang nagpadayon ang proseso, ang dakong pangutana mao kung kinsa ang accountable sa mga kasabotan nga gisulod sa local water districts ug PrimeWater, ug unsa ang epekto niini sa mga consumers nga nagsalig sa ilang water supply.