Cielo Magno Confirms Senate Bid for 2028 Elections

Gikumpirma sa ekonomista ug kanhi Finance Undersecretary nga si Cielo Magno nga modagan siya pagka-senador sa 2028 national elections.

“Yes po, I’m running for senator in 2028,” matod ni Magno atol sa usa ka forum uban sa mga Pilipino sa Milan, Italy, niadtong Oktubre 10.

Matod niya, ipadayon niya ang pagsusi sa national budget, ilabi na ang paggasto sa gobyerno alang sa healthcare. Tumong usab niya nga iduso ang usa ka komprehensibong industrial policy aron mapalig-on ang lokal nga mga industriya ug makamugna og dekalidad nga mga trabaho.

Si Magno usa ka propesor sa University of the Philippines School of Economics. Nagsilbi usab siya isip undersecretary sa Department of Finance gikan Agosto 2022 hangtod Setyembre 2023.