₱6M Gap Between Sara Duterte’s SALN and Couple’s Tax Records

MANILA — Ang kinatibuk-ang income after tax ni Vice President Sara Duterte ug iyang bana nga si Atty. Manases Carpio gikan 2007 hangtod 2025 mikabat og P85.34 milyon, sumala sa usa ka saksi gikan sa Bureau of Internal Revenue (BIR) atol sa impeachment trial niadtong Huwebes, Oktubre 8.

Sumala ni Atty. Anne Loraine Garcia-Marquez, chief of staff sa BIR Office of the Commissioner, mao kini ang total income sa magtiayon human makuha ang deductions ug buhis.

Apan, sumala sa prosecution, dili kini makatubag sa pagtaas sa declared net worth ni Sara sa iyang 2025 Statement of Assets, Liabilities and Net Worth (SALN), nga mikabat og P98.66 milyon.

Base sa records, misaka ang iyang net worth gikan sa P7.25 milyon niadtong 2007 ngadto sa P98.66 milyon niadtong 2025—usa ka pagtaas nga mga P91.41 milyon. Mas dako kini og mga P6.06 milyon kaysa sa ilang hiniusang income after tax sulod sa maong panahon, wala pa maapil ang ilang panggasto sa adlaw-adlaw.

Gipresentar ang maong mga numero isip bahin sa ebidensya sa prosecution ubos sa Article II sa impeachment complaint, nga naghisgot sa alegasyon sa unexplained wealth ug mga kalainan sa deklarasyon sa assets ni Sara.

Apan, ang maong kalainan sa income ug net worth dili pa awtomatikong pamatuod nga adunay ilegal nga bahandi. Padayon pang susihon sa impeachment court ang mga financial records ug ang mga tubag sa depensa.